За притворот на Талески еден судија решавал во два суда
Објавено во: Македонија 08 Октомври, 2016
Врховниот суд призна дека е направена грешка во одлучувањето по барањето на СЈО за притвор на битолскиот градоначалник Владимир Талески бидејќи ист судија веќе одлучувал во првостепениот суд, а потоа откако преминал во Апелациониот суд ја повторил одлуката.
Токму поради сторена суштествена повреда на Законот и на одлуките на Европскиот суд за човекови права жалбата на СЈО е прифатена и е вратено одлучувањето во Апелациониот суд. Одлуката ја донел судски совет од 5 врховни судии, а со советот раководела претседателката на Врховниот суд Лидија Неделкова.
Ова е прва одлука по жалба на СЈО во Врховниот суд, кој го враќа случајот на апелација. Во одлуката Врховниот суд се потенцира и дека сите јавни обвинители во СЈО имаат право да потпишуваат наредби и обвиненија и да го застапуваат СЈО пред судот. Талевски три месеци беше во домашен притвор како осомничен во истрагата „Транспортер“ за проневера на општински пари во училишен превоз.
Можеби ќе ве интересира
Петгодишно дете пронајденo со полиција во паркот во Сарај
Пронајдена човечка коска од гробишта каj Клинички центар
Од МВР нема одговор за „вооружената група во Чаир и Бутел“
Каевски и Мојсовски сметаат дека политички се обвинети од ОЈО
Нема да се знае кога ќе биде доведен Палевски, поради безбедносни причини
Деспотовски: Ново партиско раководство што ќе подаде рака кон членството
Изет Меџити кандидат за министер за внатрешни работи: Ќе видиме наредните денови
