Заев - Зениер: Иванов веднаш да ги одблокира процесите и да го даде мандатот
Објавено во: Македонија 09 Март, 2017
Лидерот на СДСМ Зоран Заев, денеска на средбата со генералниот секретар на ОБСЕ, Ламберто Зениер кажа дека интерес на граѓаните и државата е да се формира Влада согласно изразената мнозинска волја и да се врати нормалното функционирање на државата.
Заев смета дека е потребно Иванов веднаш да ги одблокира процесите, да ја смени својата неуставна одлука и да го даде мандатот за формирање на влада.
„Мнозинската волја на граѓаните на Република Македонија изразена на изборите е загрозена од уставната криза што ја предизвика Ѓорѓе Иванов со одлуката да не го даде мандатот за формирање Влада и покрај обезбеденото мнозинство од 67 пратеници во Собранието за кои гласаа околу 700.000 граѓани. Ваквото продлабочување на политичката криза е со цел да му се остави простор на Никола Груевски, кој преку провокации и насилства се обидува да спречи мирен транфер на власта“- вели Заев.
Тој рече дека е јасна определбата на СДСМ и граѓаните за промени, правда и нови економски политики што ќе придонесат кон добар животен стандард и дека е тоа возможно само со нова реформска Влада посветена на граѓаните и на евро-атлантската интеграција на земјата.
Вели дека заедништвото и граѓанскиот концепт за коишто се определиле граѓаните се огромна придобивка што ја води земјата напред и ја гарантира унитарноста на Република Македонија.
Можеби ќе ве интересира
Пронајдена човечка коска од гробишта каj Клинички центар
Од МВР нема одговор за „вооружената група во Чаир и Бутел“
Каевски и Мојсовски сметаат дека политички се обвинети од ОЈО
Нема да се знае кога ќе биде доведен Палевски, поради безбедносни причини
Деспотовски: Ново партиско раководство што ќе подаде рака кон членството
Изет Меџити кандидат за министер за внатрешни работи: Ќе видиме наредните денови
Петровска: Тошковски вооружени лица да пријавува во институциите, а не кај Мицкоски
