Заев го „таксаше“ Груевски за градоначалник на Идризово

Добивај вести на Viber

Зоран Заев жестоко го нападна неговиот главен ривал Никола Груевски во кампања која кулуминира денес со бројни меѓусебни обвинувања. Од митингот пред граѓаните на Гази Баба, Зоран Заев на Никола Груевски му предвиде дека единствена политичка функција која во иднина ќе ја извршува е „градоначалник на Идризово“ алудирајќи на истражните процеси во кои екс премиерот е осомничен.

- На сите им е јасно и на Груевски, сè има почеток и крај. Гази Баба цели 26 години е под чизмата на власта, под режим. Во оваа општина и во Стајковци харала банда. Гази Баба даде збор, немојте да си го газите зборот. Дојде време да се згази овој режим. Овде велеа со крената глава. Со што? Со 23 жртви од поплавите, со заминати млади и украдени милијарди? И врапците знаат дека Груевски заминува и дека доаѓа слобода. Да го утепаат странски служби, гревче стана човекот. Се заканува со убиства. Миленко новинарот се заканува. Јас душата ја давам за Македонија. Знаат како се умира на рати. Од премиер се сторил градоначалник. Нему местото му е градоначалник во „Идрзиово“ - рече Заев.

Заев порача и дека секој кој сторил криминал или пак ќе се обиде на овие избори да врши нелегални активности за поткуп или заплашување на гласачи ќе одговара. На граѓаните им рече дека треба слободно да гласаат и да одберат стабилна иднина со економски развој преку програмата „План за живот“.