Жбогар: Македонија треба да одбере независен и професионален јавен обвинител

Добивај вести на Viber

Според евроамбасадорот Самуел Жбогар при изборот на наследник на јавниот обвнител Марко Зврлевски најмногу внимание треба да се посвети на неговата професионалност, кредибилност и независност за реформите во правосудството да имаа полн ефект.

„Самата цел на сите реформи кои ЕУ ги бара од вашата земја е департизација и деполитизација на самото судство. Прашањето за именување на новиот државен обинител е прашање за кое Собранието на вашата земја треба да одлучи дали ќе избере нов државен обвинител. Ако Собранието одлучи да назначи нов државен обвинител, ние како ЕУ искрено се надеваме и очекуваме таа личост да биде независна, високо професионална, со авторитет како и со кредибилитет за да може да ја води таквата институција“. – изјави Самуел Жбогар, амбасадор на ЕУ

Околу итните реформски приоритети, Жбогар рече дека ЕУ и натаму ќе сугерира Владата да се ангажира за нивно спроведување.

„Што се однесува на Владата никогаш не сме спомнале дека септември е крајниот рок до кога Владата треба да ги испорача овие реформи. Ние зборуваме за следните неколку месеци. Потоа ќе имаме во предвид дека треба да се соочиме и со покмпликувани прашања кои изискуваат далеку повеќе време за решавање, а тоа е владеењто на правото и судството генерално. Ние како ЕУ и како меѓународна заедница во изминатите неколку дена забележуваме дека во земјата луѓето како да чувствуваат некое олеснување.Олеснување кое доаѓа како резултат на тоа дека кризата е заврешена. Мислиме на реформи кои треба да се спроведат за да имаме независно судство кое ќе ги третира граѓаните еднакво. На тие реформи мислиме за да можат и граѓаните да ги почуствуваат и кога ќе бидат предмет на инспекции дека нема да бидат казнети поради ред причини“. – вели Жбогар

Високи претставници на Европската унија во наредниот период ќе ја посетат Македонија со цел да се разговара за реформскиот процес во повеќе јавни сфери.