Злоупотреба на ученици во Прилеп, директор ги тера на протест-тие бараат настава!
Објавено во: Македонија 15 Март, 2017
Видео снимка од наводна злоупотреба на ученици да одат на протест кружи на социјалните мрежи.
Имено, на снимката која директно ја пласираа во јавност ученици, се слуша како директорот им држи политички говор на учениците и ги убедува да одат на протестите организирани од граѓанската иницијатива За заедничка Македонија.
Дел од медиумите пренесоа дека агитирач во случајот е директорот на прилепската гимназија Мирче Ацев.
Во говорот тој учениците ги убедува да учествуваат во протестите зошто ќе се воведела двојазичност, менување на химна, менување на знамето и воведување албански монети.
Додека трае говорот ученици го снимаат директорот, а набрзо тој се соочи и со возвратен удар.
Се слуша како ученичка му вели дека е уште поголема срамота што во образовна институција им држат политички говори. Учениците велат дека не сакаат да одат на протестот туку да се одржи наставата.
Ова не е прв обид да се убедуваат ученици да одат на протести. Вакви случаи имаше и во скопски гимназии.