ЕВЕ КАКО НАЈДОБРО ДА ИЗВАДИТЕ ПАСОШ ПО ИТНА ПОСТАПКА: За околу 6.000 денари, пасошот го добивате за 48 часа!

Добивај вести на Viber

Сезоната на летни одмори секогаш го зголемува интересот за вадење нови лични доументи, посебно патни исправи. За да извадите најбрзо пасош, потребно е да закажете и да нагласите дека сакате да извадите пасош по итна постапка.

На сајтот на Министерството за внатрешни работи наведено е што се ви е потребно за да извадите патна исправа по итна постапка.

Доколку вадите пасош за дете до 4 години, потребно е лично присуство на детето.

Извод на родените – може постар или фотокопија.

Присуство на родителот/родителите или старателот со важечка лична карта или друга јавна исправа за идентификација и да пополните барање.

Треба да уплатите 6.100,00 денари за образецот (уплатница или уплата преку ПОС терминал) и 100,00 денари административна такса (уплатница или уплата преку ПОС терминал)

Стариот пасош доколку е во важност треба да биде предаден на службениците.

Доколку пак вадите пасош за дете постаро од 4 и не постаро од 18 години, исто таа е потребно лично присуство на детето како и негов извод – може постар или фотокопија.

Присуство на родителот/родителите или старателот со важечка лична карта или друга јавна исправа за идентификација.

Исто така ќе би биде потребно пополнето барање и уплата на 6.100,00 денари за образецот (уплатница или уплата преку ПОС терминал). Во овој случај се уплаќаат 200,00 денари административна такса (уплатница или уплата преку ПОС терминал) и доолку стариот пасош е со важност, треба да се предаде на службеникот. 

За лица над 18 години а не постари од 27 години, потребно е лично присуство со важечка лична карта или друга јавна исправа за идентификација, барање, уплата на 6.100,00 денари за образецот (уплатница или уплата преку ПОС терминал) како и 200,00 денари административна такса (уплатница или уплата преку ПОС терминал). Стариот пасош доколку е во важност.

За сите постари од 27 гофини, важат истите услови, со тоа што административната такса за нив изнесува 300 денари. 

„Патната исправа во итна постапка, се издава најдоцна во рок од 48 часа од часот на поднесувањето на барањето за издавање на пасош“, наведено е на страната на МВР.