ХАЈРЕДИНИ ДО КОВАЧЕВСКИ: Македонија во регионот е признаена како земја каде не се гонат големи корупциски скандали

Добивај вести на Viber

Поранешниот министер за финансии, Џевдет Хајредини повторно му реплицираше на премиерот Димитар Ковачевски, укажувајќи дека има многу посериозни проблеми и теми со кои треба да се зафати периодов, а не телекомуникациската поврзансот. 

На изјавата на премиерот Ковачевски дека Македонија е признаена како земја со една од најразвиените телекомуникациски и инфраструктурно дигитални мрежи во регионот, Хајредини врати со најголемите корупциски скандали во земјава. 

- Не, Ковачевски, тоа и да е точно, не е толку важно, кога се знае дека Македонија во регионот е признаена и како земја со катастрофална корупција, во која најмногу се крадат парите од европските фондови и американските донации, каде довербата на граѓаните во обвинителите и судиите е 0 отсто, каде не се гонат големи корупциски скандали на познати високи државни и политички функционери, кои и тебе ти се добро познати, каде не се откриваат и не се казнуваат виновниците за повеќе трагедии во кои животот го изгубија голем број луѓе, како што беа БЕСА ТРАНС, ДУРМО ТУРС, Модуларна болница и други.

Македонија, Ковачевски, во регионот е препознаена и како земја во која со закон е забрането да се објават голем број кривични дела врзани и кои произлегуваат од тајните прислушувања, сè со цел да не бидат казнети политичари кои и сега се на власт - напиша Хајредини на неговиот Фејсбук профил. 

Неговиот пост ви го пренесуваме во целост:

Неговата објава ги поттикна граѓаните да дадат свое мислење, од тоа дека ништо не функционира во државата, па се до такви кои сметаат дека ниту Македонија ниту Европската унија нема да постојат уште долго.