10 милијарди евра помош им требаат на кипарските банки
Објавено во: Свет 30 Ноември, 2012
На кипарските банки за докапитализација им се потребни десет милијарди евра европска помош, изјави гуверенерот на кипарската Централната банка, Паникос Деметријадес.
Според него, врз основа на податоците добиени од меѓународните кредитори, вклучени во прелиминарната спогодба со кипарската Влада, може да се заклучи дека станува збор за сума од десет милијарди евра, а додаде и дека времето брзо поминува и помошта од ЕУ е потребана во најкус рок. „Акцијата за консолидација на банкарскиот сеткор под итно мора да започне. Во спротивно ситуацијата, која е присутна денес би можела да предизвика сериозни проблеми“, истакна Гувернерот.Според меѓународние инстируции остварен е добар напредок на Кипар, но потребни се уште некои дополнителни прилагодувања. Обемот и конечните услови на пакетот помош зависат од тоа колку пари ќе му бидат потребни на кипарскиот банкарски сектор за да ја подобри својата ликвидност.
Барањето за помош, Кипар го испрати уште во јуни кога неговите две најголеми банки побараа средства, бидејќи не успале да ги исполнат новите прописи на ЕУ за нивото на капиталот на банките.