Интел го претстави новиот копроцесор Intel® Xeon Phi™

Добивај вести на Viber

Создавајќи нова ера на процесирање со висок перформанс, копрпорацијата Интел го претстави новиот копроцесор Intel® Xeon Phi™, кој претставува кулминација на сите години поминати во истражување и соработка со цел да се воведе неспоредлив перформанс за иновативни откритија и пробиви во производството, природните науки, енергетиката и други области. Способноста за брзо процесирање, симулирање и донесување доследни одлуки го поттикна развојот на процесирањето со висок перформанс (HPC) и аналитиката. Ова е инспирирано од глобалните деловни и истражувачки приоритети за попрецизно да се предвидат временските услови, да се создадат поефикасни енергетски ресурси и да се пронајдат лекови за болести како едни од поитните прашања. Со неспоредливиот перформанс по ват и други карактеристики на новиот Intel Xeon Phi копроцесор, индустријата ќе има уште поголема доверливост во изнаоѓањето на точни одговори и ќе помогне да се прошири процесирањето со висок перформанс и надвор од лабораториите и универзитетите и ќе достигне максимална продуктивност. „ Intel Xeon Phi копроцесорот претставува достигнување во иновациите на Интел што ќе не издигне во нови височини во областа на истражување и откритија и само ја потврдува нашата посветеност на екса-ниво на процесирање,“ изјави Дајен Брајант, потпретседател и генерален менаџер на групацијата за бази на податоци и поврзани системи на Инте. „Комбинирањето на Intel Xeon процесорите со Intel Xeon Phi копроцесорите ќе го промени опсегот и нивото кое може да го достигнат високо паралелните апликации со испорачување на досега незабележан перформанс, ефикасност и можност за програмирање. Со овие технологии како нова основа за процесирање со висок перформанс, се справуваме со реални предизвици како точно предвидување на временските услови 21 ден однапред до развој на нови лекови за болести.“ Заснован на повеќејадрена архитектура (Intel® Many Integrated Core (Intel® MIC)), Intel Xeon Phi копроцесорите ќе го надополнат семејството производи Intel® Xeon® E5-2600/4600. Производите Intel Xeon E5 процесираат со висок перформанс и се дел од голем број Топ 500 системи (1 квадрилион операции со реални броеви во секунда). Сега кога Intel Xeon Phi производите преземаат поголем дел од „високо паралелното“ процесирање за да им помогнат на суперкомпјутерите да дојдат до одговори за голем број научни и технички дисциплини како што се генетичко истражување, нафта, гас и климатско моделирање, Интел верува дека оваа моќна комбинација ќе отвори пат кон ексаниво на процесирање што може да значи илјадакратно зголемување на способностите за процесирање над „петаниво“.