Добивај вести на Viber
Со инсталацијата на трите прекинувачи од типот SF 6 на 400 киловолтно ниво во транформаторската станица „Скопје 4“, АД МЕПСО целосно го заокружи проектот за замена на постоечките прекинувачи.
Покрај овие три прекинувачи, годинава се инсталирани уште пет на 400 киловолтно напонско ниво во трансформаторските станици „Дуброво“ и „Битола 2“. Во набавката и инсталацијата на новите прекинувачи вложени се еден милион евра. Од компанијата појаснуваат дека последните две години инсталирани се вкупно 14 нови прекинувачи од типот SF 6 со што е реализирана инвестиција во вредност од два милиони евра. Според нив, станува збор за најново технолошко достигнување кое има широка примена во многу национални преносни системи низ многу држави во светот.
Прекинувачите се полнети со специјален гас SF 6 и нивната намена е да вршат исклучување на елементи од мрежата што се под напон. Главна карактеристика е нивната доверливост, значајно подобрување на заштита и доверливоста и функционалност на постројките во преносната мрежа и ниските трошоци за одржување. Прекинувачите се сервисираат по 15 години користење или по извршени 10.000 операции на исклучување на елементите од преносната мрежа во трансформаторските станици. Проектот е реализиран од страна на АД МЕПСО, а поддржан од Владата.