26 Септември, 2021
0.0232

20-ТИНА ДЕЦА ХОСПИТАЛИЗИРАНИ И ВО КОЗЛЕ СО ТЕШКИ ПНЕВМОНИИ: Треба да видиме дали се пост-ковид компликации, д-р Стојановска за Фактор

Објавено во: Македонија 09 Јули, 2021

Откако беше вклучен алармот за зголемен број на деца во Општата болница Гевгелија со симптоми на респираторната инфекција кои според тамошните лекари не се типични за овој период од годината, денеска има информација и од Институтот за белодробни заболувања кај децата-Козле, во Скопје, дека таму, пак, исто така има 20-тина хоспитализирани дечиња со тешки долнореспираторни заболувања.

Д-р Лидија Стојановска, педијатар во Институтот за Фактор појаснува дека кај сите овие дечиња, кои се од доенчка возраст, па се до 2-3 години, инфекцијата трае подолго, односно самото лекување трае повеќе денови од вообичаено.

-Станува збор за дечиња со тешки долнореспираторни инфекции кои се резистентни на терапијата, заради што текот на лекувањето е подолг. Обично сите пневмонии за седум дена се лекуваат, но тука сега лекуваме и до 10, 12 дена. Ваквите долнореспираторни инфекции се карактеристични за зимскиот период, така што можам да кажам дека ова е нешто сосема невообичаено и нетипично  за овие летни месеци. Инаку, сите примени дечиња кои ги лекуваме тука, имаат негативни тестови на Ковид-19, бидејќи како и досега, откако почна пандемијата, ПЦР тестот е главен протокол при прием во болница. Она што треба да го направиме, за што и дискутиравме со стручниот колегиум е да видиме дали станува збор за пост-ковид компликација. Веќе е докажано дека најголем дел од децата, инфекцијата со корона вирусот ја поминаа асимптоматски, но сметам дека треба да се направат антитела, за да видиме дали имале контакт со вирусот и дали ова сега со кое се соочуваме е навистина пост-ковид компликација, посочува д-р Стојаносвка.

Инаку, и во гевгелија, како што денеска информираше министерот за здравство, Венко Филипче, сите дечиња се негативни на корона вирусот. Утринава, тим од Клиниката за детски болести од Скопје, предводен од директорката, Аспазија Софијанова отпатува во Гевгелија за да заедно со тамошните лекари испитаат за каква респираторна инфекција станува збор кај дури 50-тина деца од доенчка возраст до пет години.  

Во моментов во болницата се хоспитализирани само две бебиња, поради возраста, а околу 20 деца се на терапија.

Ваков тип на инфекции не се карактеристични за летниот период, туку за есен, и затоа ќе се испитува што ги предизвикало, истака денеска Филипче, а како што вчера соопшти Министерството за здравство, по детална анализа, јавноста ќе биде информирана.

Анита Буховски

Можеби ќе ве интересира

МЛАДО МОМЧЕ ОД ДЕЛЧЕВО ПОЧИНА ОД КОВИД КОМПЛИКАЦИИ ВО ГЕРМАНИЈА: Најблиските на 32-годишниот Гоце молат за помош за транспорт на телото

МЛАДО МОМЧЕ ОД ДЕЛЧЕВО ПОЧИНА ОД КОВИД КОМПЛИКАЦИИ ВО ГЕРМАНИЈА: Најблиските на 32-годишниот Гоце молат за помош за транспорт на телото

ЗА ПОВЕЌЕ ОД ПОЛОВИНА СКОПЈАНИ СОСТОЈБАТА ВО ГРАДОТ Е ПОДОБРЕНА: Анкета на Агенција Рејтинг

ЗА ПОВЕЌЕ ОД ПОЛОВИНА СКОПЈАНИ СОСТОЈБАТА ВО ГРАДОТ Е ПОДОБРЕНА: Анкета на Агенција Рејтинг

ШАНСА ЗА ЦЕНТАР: Поранешна „Треска“ ја зафати пожар, ако изгоре ќе биде идеална ситуација за урбаната мафија

ШАНСА ЗА ЦЕНТАР: Поранешна „Треска“ ја зафати пожар, ако изгоре ќе биде идеална ситуација за урбаната мафија

КОВИД СТАТИСТИКА: Нови позитивни на вирусот 392, од компликации на ковид починаа 17 пациенти

КОВИД СТАТИСТИКА: Нови позитивни на вирусот 392, од компликации на ковид починаа 17 пациенти

ДЕНЕСКА БЕВ ДОМАЌИН НА ПОПИШУВАЧИТЕ: Лидерот на ДУИ, Ахмети се попиша, апелира сите да го сторат тоа

ДЕНЕСКА БЕВ ДОМАЌИН НА ПОПИШУВАЧИТЕ: Лидерот на ДУИ, Ахмети се попиша, апелира сите да го сторат тоа

СО БУГАРИЈА МОЖНО Е ПРИДВИЖУВАЊЕ ПРЕД БОЖИК, ВО ДЕКЕМВРИ: Заев за австриски Стандард

СО БУГАРИЈА МОЖНО Е ПРИДВИЖУВАЊЕ ПРЕД БОЖИК, ВО ДЕКЕМВРИ: Заев за австриски Стандард

ВЧЕРА СЕ ВАКЦИНИРАЛЕ 6.897 ГРАЃАНИ: Прва доза од вакцината против ковид примиле само 1.717 граѓани

ВЧЕРА СЕ ВАКЦИНИРАЛЕ 6.897 ГРАЃАНИ: Прва доза од вакцината против ковид примиле само 1.717 граѓани

ЗАЕВ: Не мислам да го разрешам Филипче заради писмото на хирурзите од ГОБ „8 Септември“

ЗАЕВ: Не мислам да го разрешам Филипче заради писмото на хирурзите од ГОБ „8 Септември“

ФАШИЗМОТ ОСТАНУВА И НЕМА ДА БИДЕ ОТСТРАНЕТ НИТУ ЕДЕН СПОМЕНИК: Заев за разликите меѓу нацистичка и сегашна Бугарија

ФАШИЗМОТ ОСТАНУВА И НЕМА ДА БИДЕ ОТСТРАНЕТ НИТУ ЕДЕН СПОМЕНИК: Заев за разликите меѓу нацистичка и сегашна Бугарија