55-ти годишен глобален бизнис форум на WTCA како стимул за раст на бизнисот во секторите на недвижности и туризам

Добивај вести на Viber

Додека се во тек подготовките низ целиот свет за учество на 55-тиот WTCA Глобален бизнис форум (GBF) во Марсеј, Франција, сите очи се насочени кон овој медитерански центар кој долго време служеше како мост меѓу континентите/регионите – Европа, Африка и Блискиот Исток. Домаќин на овој глобален собир е Светскиот трговски центар Марсеј (WTCMP), клучен играч во обликувањето на деловната и туристичката понуда на овој град.

Зборувајќи за трансформативната улога што Марсеј ја игра во глобалната трговија и визијата зад овогодинешниот GBF форум, Јаел Савињак Реузада, менаџер за комуникации во WTCMP, сподели корисни сознанија за тоа како градот - и WTCMP - се позиционираат како крстопат на бизнис иновации, одржлив туризам и глобална соработка.

Како WTCMP го користи својот развој на недвижен имот за да поттикне глобално вмрежување и трговски врски во рамките на Светската асоцијација на трговски центри (WTCA)?

Претстојниот GBF форум ќе ги обедини лидерите и пазарите од целиот свет - а околината што ја создаваме е дизајнирана да ги овозможи тие врски. Недвижностите се значајна компонента во остварувањето деловни контакти и ние во WTCMP веруваме дека тоа е основата за создавање можности.

Нашите капацитети низ Марсеј – од канцелариски простор до конференциски сали – се прилагодени на потребите на денешните лидери. Нашата цел е да поттикнеме средина каде што луѓето можат да работат, да соработуваат и да изградат нешто трајно. Уникатната позиција на Марсеј на раскрсницата на Европа, Африка и Блискиот Исток е инхерентно погодна за меѓународна размена. Нашата улога е да ја поддржиме таа природна предност нудејќи квалитетен, флексибилен простор кој ја поттикнува комуникацијата и води кон развој.

Што го прави Марсеј посакувана локација за организирање глобални деловни состаноци?

За нас деловниот туризам е повеќе од сектор – тој е стратешки лост за глобална видливост и влијание. Нашата цел е да го позиционираме Марсеј не само како град домаќин, туку и како дестинација која остава траен впечаток на деловните патници.

Ова го постигнуваме со комбинирање на исклучителни простори и специјално прилагодени искуства. Без разлика дали се работи за историското значење на Palais de la Bourse или модерната панорама на Sky Center во деловниот центар Tour La Marseillaise, нашите капацитети се избрани да поддржуваат настани од сите големини и обем. Покрај инфраструктурата, програмите што ги создаваме - B2B состаноци, форуми за вмрежување, тематски конференции - навистина го поттикнуваат ангажманот и го позиционираат Марсеј како енергична деловна дестинација која гледа напред.

Кои трендови во деловниот туризам ги промовира WTCMP?

Деловните патувања повеќе не се засноваат само на распоредот и облеката - тие сè повеќе го вклучуваат искуството на дестинацијата. Денешните лидери бараат повеќе од само сали за состаноци - тие очекуваат автентичност, поврзаност и цел од секое патување.

Се прилагодивме на оваа промена со дизајнирање настани што ги надминуваат традиционалните формати. Искуственото патување е растечки тренд и ние ја интегрираме локалната култура, наследството и незаборавните моменти во нашето планирање. Чувството на благосостојба е уште еден приоритет - за нас е важно нашите гости да не се само продуктивни, туку и инспирирани и полни со енергија. Гледаме и зголемен интерес за патувања надвор од сезоната, што овозможува поспецијализирани и интимни собири. Сето ова ја зајакнува трговската и инвестициската перспектива што сакаме да ја поттикнеме – затоа што луѓето се ангажираат поконкретно кога се чувствуваат поповрзани.

Како WTCMP ја интегрира одржливоста во своето работење?

Одржливоста е длабоко вградена во сè што правиме. Добивањето ISO 20121 сертификат не беше само пресвртница – туку и обврска за иднината. Сметаме дека организирањето влијателни настани никогаш не треба да биде на сметка на еколошката и социјалната одговорност.

Нашиот систем за одржливо управување се заснова на трите столба на одржлив развој – економски, еколошки и социјален – и го дефинира начинот на кој работиме, од планирање до извршување. Без разлика дали се работи за намалување на отпадот, енергетска ефикасност или влијание врз заедницата, нашите иницијативи не само што ги исполнуваат постоечките стандарди, туку поставуваат и нови. Како дел од глобалната мрежа на Светската асоцијација на трговски центри (WTCA), ние веруваме дека е наша улога да водиме со пример и да помогнеме во обликувањето на нов модел на одговорен деловен туризам.

Кои се вашите очекувања од овогодинешниот GBF форум?

Овогодинешниот GBF форум не е само уште еден настан на календарот - тоа е можност трајно да се зајакне глобалната WTCA заедница на нов начин. За нас, овој настан е катализатор за подлабока соработка во областа на недвижностите, трговските услуги и туристичките инвестиции.

Со програма богата со состаноци бизнис-бизнис (B2B), стручни работилници и посети на локацијата, создаваме платформа која ги поврзува идеите и конкретните можности. Нашата цел е да им помогнеме на учесниците да се поврзат со нови партнери, да истражуваат нови пазари и да создадат нова вредност – не само за Марсеј, туку и за целиот регион. Ние веруваме дека GBF Forum WTCA 2025 ќе постави нов стандард во начинот на кој нашата заедница се поврзува за да ја изгради иднината на трговијата.

foto: WTC Marseille Provence, Yaël Savignac, Communications Manager, Benoît Vincent, CEO, and Célia de Bastier, Event Project Manager