„ПАРТИСКИТЕ И СЕМЕЈНИТЕ ВРСКИ ОСТАНУВААТ КЛУЧЕН ФАКТОР ЗА НАПРЕДУВАЊЕ ВО ДРЖАВНАТА СЛУЖБА“: Апасиев остро за семејните „функционери“

Добивај вести на Viber

Нова реакција од опозициската партија „Левица“ на вработувањето на блиски родинини на државни функционери. 

Деновиве честопати се укажува на непотизмот поврзан со семејството на министерот Стефан Андоновски, и функциите на неговиот татко и брат. 

- Партиските и семејните врски остануваат клучен фактор за напредување во државната служба, добивање функции на локално или централно ниво, како и за вработување во институции каде државата е работодавач. Ова го потврдува семејството Андоновски, каде Љупчо Андоновски, советник во Владата, е татко на Стефан Андоновски, актуелен министер за дигитална трансформација, додека Игор Андоновски е началник на одделот на АНБ за град Скопје - нагласуваат од Левица. 

Партискиот лидер на Левица истакнува дека „заложбите против коруптивното поведенеие, непотизмот и врските останаа само дел од предизборниот маркетинг на ДПМНЕ“. 

- Но, од Влада предводена од премиер којшто својата “успешна“ кариера ја започнал како асистент кај својот татко, поинаков и реформски пристап не може да се очекува. Владата на ДПМНЕ, ЗНАМ И ВРЕДИ продолжува да го негува непотизмот како главена дестимулација на професионалните кадри и главен стимул за иселување на младите. 

Системот создаден од непотизам го гуши и државниот апарат и општеството. Ова е причина зошто државата е нефункционална и испорачува катастрофални услуги по многу параметри. За жал, овој општествен канцер не подлежи речиси на никаква одговорност, што овозможува политичките елити да се ги вдомуваат своите миленици на функција по желба, преку што се создава нефункционален систем - построен од послушници, погоден за секоја корумпирана власт - напиша Апасиев на Фејсбук. 

Еве ја неговата објава: 

Фото: Принтскрин/Фејсбук