Агим Нухиу веќе започна да му ја врши работата на Наќе Чулев
Објавено во: Македонија 21 Јули, 2020
Агим Нухиу барем на репрезентативен план започна да го менува Наќе Чулев на чело на министерството за внатрешни работи, откако денеска за прв пат иснесе соопштение дека тој го пречекал словенечкиот амбасадор Милан Јазбец.
„На средбата со амбасадорот на Р. Словенија г. Јазбец ја изразивме нашата подготвеност за спроведување на инстиционалнните обврски во полето на безбедноста!
Партнерството со Словенија останува од посебна важност за перспективите на нашата земја и регионот!“, информираше Нухиу, кој изминатиот период беше исклучиво посветен на изборната кампања на ДУИ.
Од идната недела Агим Нухиу ќе биде министер за внатрешни работи, затоа што претходно му беше заменик на Оливер Спасовски пред овој да стане технички премиер. Министерството до изборот на новата влада ќе го води Нухиу, кој го водеше ресорот и после парламентарните избори во 2016 година.
Наќе Чулев, сегашниот министер за внатрешни работи во техничката влада, уште оваа недела е на оваа позиција според законските прописи.
Од местото дополнителен заменик министер заминува и Славјанка Петровска.