АКЦИЈА ВО СЕВЕРНО КОСОВО: Затворени се пет паралелни српски општини
Објавено во: Балкан 31 Август, 2024
Повторно имаше инциденти на Косово. Koсовската полиција направи акција на северот каде се затворени паралелните српски општини. На ова реагираа Србите и велат дека се плашат.
Косовската полиција објави дека спровела акција за затворање на објекти користени од паралелни структури управувани од властите во Србија во косовските општини на северот од државата, населен со мнозинско српско населени, јави дописникот на МИА од Приштина.
Министерот за локална самоуправа во косовската Влада, Елберт Красниќи кажа дека се затворени пет паралелни општини.
Красниќи на неговата страница на Фејсбук напиша дека сега веќе нема да функционираат паралелните општини: Округ Косовска Митровица, паралелната општина Митровица, како и општините Звечан, Зубин Поток и Лепосавиќ.
„Денеска, по блиска координација меѓу институциите на Република Косово, затворени се паралелните нелегални институции на локалната самоуправа, кои работеа по директиви на Србија, кршејќи ја уставноста и законите на Република Косово“, напиша Красниќи.
Косовскиот министер, кој доаѓа од редовите на партиите на немнозинските заедници во Косово, изјави дека „институциите на Република Косово нудат услуги за сите граѓани, без разлика на нивната припадност.
„Во ниту еден простор на нашата Република нема место за незаконско работење и паралелни служби“, порача Красниќи.
Заменик-директорот на полицијата за северниот регион, Ветон Елшани изјави дека во канцелариите кои денеска се затворени се издавале фалсификувани документи.Српскиот политичар Александар Арсенијевиќ изјави дека српските граѓани се плашат од присуството на косовската полиција. Амбасадата на САД го осуди упадот.
Косовските власти пред неколку месеци затворија други седум паралелни општини: во Призрен, Пеќ, Сува Река, Исток, Клина, Раховец и Драгаш.
Косово и Србија никако да ги нормализираат односите. Претставникот на Европската унија за дијалогот меѓу Косово и Србија, Мирослав Лајчак смета дека постои ризик од дестабилизација на Западен Балкан, доколку страните не се вклучат во дијалогот и продолжат да преземаат некоординирани и итни активности. Србите бараат формирање на Заедница на српски општини, но тоа досега не се случи.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
ВУЛИН: Само српскиот свет е бариера за „Голема Албанија“
(ВИДЕО) ОШТЕТЕНИ ЗГРАДИ, УРНАТИ МОСТОВИ: Се судрија и два брода во Грција
МАЖ ПАДНАЛ ВО ПРОВАЛИЈА: Уште една жртва на невремето во Грција
БОСАНСКИОТ БУРЕК СЕГА СЕ ПРОДАВА ВО НАЈГОЛЕМИОТ СИНЏИР НА МАРКЕТИ ВО СВЕТОТ: „Ти благодариме Един за партнерството“
СРБИЈА ЌЕ ГРАДИ НУКЛЕАРНА ЦЕНТРАЛА? Укинат популарниот мораториум од 1989 година
(ФОТО) СЕ УРНА МОСТ, ИМА И МРТВИ, НАТРУПАНИ КОЛИ ВО ПОПЛАВЕНИ УЛИЦИ - Родос на удар на силна бура
УНИШТУВАЊЕТО НА МАКЕДОНСКОТО ЗНАМЕ СТАСА И ДО РЕГИОНАЛНИТЕ МЕДИУМИ: Наголемо се пишува што се случуваше синоќа за време на прославата на Денот на албанското знаме
ЕВЕ ШТО ОТКРИ ПОПИСОТ ВО ЦРНА ГОРА: Една општина има повеќе жители во странство отколку дома
