Ако нема графа за верска припадност ќе повикаме на бојкот, вели владиката Петар
Објавено во: Македонија 05 Јануари, 2021
Ако нема графа за верска припадност во пописните листи ќе го повикаме народот на бојкот, изјави денеска владиката Петар.
Тој кажа дека епархиите на МПЦ-ОА ќе го повикаат народот да го бојкотира пописот, ако на пописните листи не постои графа за национална и верска припадност.
„Ние сме сериозно заинтересирани во најавениот попис да постои графа за етничка и верска припадност за да знаеме колку се православни во Македонија, колку се муслимани како и на другите вероисповеди и религиозни деноминации. Да се постапи така во спротивно ќе биде народот па и ние засегнати не само да не се јавиме на пописот туку и да го повикаме народот во нашите епархии да го бојкотира пописот“, изјави владиката Петар за телевизија Алфа.
Министерот за правда, Бојан Маричиќ на Твитер објави дека графа за верска и национална припадност ќе има.
Пописот ќе се одржи во месец април.
„Тој што е иселен повеќе од една година се смета дека не е резидент и на пописот ќе пишува дека е иселен повеќе од една година, тој дел е јасно решен и за сите етнички заедници“, рече вчера премиерот Зоран Заев.