Ако патувате во Грција како турист носете си пари во кеш

Добивај вести на Viber

На туристите во Грција им се препорачува да носат евра во банкноти и монети, во случај должничката криза на земјата да се влоши и локалните банки да ги извадат од употреба банкоматите.

Од грчкиот туристички совет во Лондон изјавуваат дека иако не се предвидуваат неодамнешни проблеми, посетителите на земјата не треба да се потпираат само на кредитни картички или на локалните банкомати.

Патниците треба „да носат доволно пари за покривање на императивните трошоци и секакви неочекувани одложувања на плаќања по електронски пат“, ја дополнуваат оваа информација од британското Министерство за надворешни работи.

Туристички експерти советуваат патниците да располагаат со готовина, со која ќе можат да ги покријат трошоците за период меѓу три и пет дена, но да носат и кредитни картички.

Грчката економија се приближува кон банкрот, откако вчера европските финансиски министри ја отфрлија програмата за големата спасувачка програма како продолжение на активностите преземени во 2010 и 2012 година. Преговорите со владејачката радикална партија СИРИЗА застанаа, бидејќи владата одбива да воведе нови строги рестриктивни мерки.

Економистите се согласуваат дека ако биде одбиено итното финансирање за покривање на летните должнички плаќања, Грција може да ја избере опцијата за излез од еврозоната. Такво сценарио, освен дека би предизвикало хаос на финансиските пазари, може да доведе до масовно повлекување на пари во кеш од банките кои би го прекинале функционирањето на банкоматите, велат експертите.

Боб Аткинсон од „Travelsupermarket.com“ потсетува дека во Кипар во 2013 година спасувачките мерки ги ограничија банките за влечењето на пари, а некои продавници и ресторани не прифаќале плаќање со кредитни картички.

„Ако во наредните неколку недели некој ќе патува до Грција, по веста проверувајте ги официјалните совети кон туристите и секогаш се потпираат на различни начини за плаќање на нивните сметки“, додава тој.

Од грчката национална туристичка организација велат: „Не очекуваме никакви проблеми со банкарскиот систем во Грција - работите се како и обично. Ние би ги советувале туристите кои одат на одмор да прават комбинација од готовински плаќања, со дебитни и кредитни картички, како што ги прават тие кога патуваат во која и да е земја“.