Актерката Ристиќ на распит за навредливиот коментар за Ромите
Објавено во: Македонија 13 Октомври, 2017
Актерката Ирена Ристиќ денеска ќе биде на распит во Јавното обвинителство за нејзиниот коментар на Фејсбук во кој гневно реагираше за злоупотреба на коњ од страна на Роми кои навредливо ги окаректиризираше. Таа е сомничена за предизвикување омраза на национална, верска и друга дискриминирачка основа. Поканата Ристиќ самата ја објави на фејсбук профилот.
- Циганите (поради некоја политичка, или не знам каква, коректност нарекувани Роми, као со тоа нивните злодела да добиваат на легитимитет или нивниот живот на квалитет) ја претоварувале, константно ја тормозеле Аурора и во даден момент нејзината нога пука, не може да додржи… паѓа! Циганите собираат сè што до претходно било на нејзиниот грб и ја оставаат така, падната и во бесознание… Коњот не е куче, нема да може да преживее со три нозе.., напиша Ристиќ во својот коментар објавен на Фејсбук.
Погрдниот збор ги разгневи Ромите, но и воопшто јавноста која ја критикуваше за потоа да се извини за постапката иако не го повлекува кажаното.