АЛАРМАНТНО: По 25 години имаат помалку од 4 милиони жители
Објавено во: Балкан 24 Февруари, 2019
По две и пол децении Хрватите имаат најмал број на жители, што се толкува како алармантно.
Последната проценка на хрватскиот Државен завод за статистика, во средината на минатата година покажа дека Хрватска имала 4.089.000 жители. Ова е најмал број во последните 25 години.
Меѓутоа, според демографските проценки, Хрватска „падна” и под четири милиони, затоа што голем број иселеници не се одјавуваат, а ДЗС проценките на популацијата ги темели на бројот на родени, починати, доселени и официјално отселени лица, пишува „Вечерњи лист”.
Во последните седум години, бројот на деца под 14 години во Хрватска се намалил за речиси 60.000, а бројот на постарите лица на возраст од 65 години и повеќе се зголемил за 74.000.