Амбасадорката Лин Лисјен: Македонскиот мермер се цени во Кина, се повеќе ја користиме македонската железница

Добивај вести на Viber

Амбасадорката на Кина во Македонија, Лин Лисјен, по повод 25-годишнината од воспоставувањето на дипломатски односи на двете земји се4 осврна и на економско-финансиската соработка во бизнисот, трговијата и транспортот.

- Врз принципите на вин-вин соработката, двете земји постигнаа заеднички успеси и изградија одлична соработка. Од 2012 година до денес Кина станува најголемиот трговски партнер на Македонија надвор од Европа, разновидноста на трговијата исто така станува се побогата. На масите на Кинезите се појавува македонско вино, квалитетниот мермер од Македонија е оценет високо од кинеските корисници. А по македонските пруги, се возат кинески електрични локомотиви. Освен ова, со изградбата на Кинеско-Европски Копнено-Поморски Експресен Пат, возовите, натоварeни со кинески стоки, ја минуваат Македонија и заминуваат за другите земји во Европа. Се зголемува искористеноста на македонските железнички линии, и oд еднаш седмично има превоз дури до седумнаест пати седмично, што е значително зголемување на транспортот. А во иднина, низ македонските планини и рамнини, ќе поминуваат автопатите Миладиновци-Штип и Kичево-Oхрид. Сето тоа ја докажува вистинската корист и благосостојбата за двата народа и двете држави - рефереираше Лисјен.

Според дипломатот, односите се развиваат и на други ниво, особено во политиката, а тоа ќе продолжи со зближување преку проекти и настани и во иднина.

- Во рамките на соработката на Народна Република Кина и земјите од Централна и Источна Европа(16+1), се вбројува и продлабочувањето на заемната соработка помеѓу двете земји. Во март годинава во Скопје беше отворен Координативен центар за културна соработка меѓу Н.Р.Кина и земјите од Средна и Источна Европа. На крајот на октомври, Скопје ќе биде домаќин на 5-тиот Симпозиум на Тинк Танк на највисоко ниво меѓу Кина и земјите од Средна и Источна Европа. Идната година, во Р. Македонија ќе се одржи и 4-тиот Форум на министрите за културната соработка меѓу Н. Р. Кина и средноисточните европски земји. Иницијативата 16+1, за 17-те земји, вклучувајќи ги и Н. Р. Кина и Р. Македонија, е создадена не само отворена, туку и инклузивна и општо прифатена платформа, а во исто време овозможува и широк простор за создавање на партнерски односи меѓу земјите внатре и надвор од иницијативата - дополни кинеската амабасадорка во Скопје.