Ѕанакопулос: Со уставна ревизија ќе се покрие условот ерга омнес
Објавено во: Балкан 29 Март, 2018
Портпаролот на грчката влада смета дека сега топката е на страна на соседната земја и дека токму ние треба да направиме дополнителни чекори и отстапки за да се дојде до конечен договор. Димитрис Ѕанакопулост за грчката телевизија ЕРТ исто така го повтори барање на официјална Атина за промена на Уставот со што Грција смета дека ќе ни ставеле крај на „иредентизмот“.
Ѕанакопулос смета дека се направени доста чекори со самата промена на „радикалните и националистички ставови на претходните влади“ во Скопје, но сепак додава дека постојат прашања кои не се едноставни, а техничката фаза е доста тешка.
– Сметам дека е факт оти има политичка волја и од двете страни, но сепак постојат прашања што не се едноставни, не се од технички карактер, а главното е прашањето за уставна ревизија за да се покрие предусловот на ерга омнес. Затоа што знаете дека грчката Влада во преговорите доаѓа и вели дека ќе се согласи за сложено име што ќе биде за сите, ерга омнес и ќе биде за севкупна употреба. За ова ерга омнес, очигледно дека е предуслов е уставна ревизија од страна на соседите – вели Ѕанакопулос.