Ангел Димитров: Составуваме заеднички текст за годишнината на Гоце Делчев

Добивај вести на Viber

Ангел Димитров, претседателот на бугарската историска комисија од мешовитиот комитет, во своето последно интервју вели дека македонските и бугарските експерти треба да состават заеднички текст по повод 150-годишнината од раѓањето на Гоце Делчев, што ќе се чествува на 4 февруари, но и дека му е жал што двете страни нема да се состанат пред јубилејот.

„Кога се разговара за тоа како да се подготви текст за владите да слават заедно, колегите од РСМ тргнуваат од сегашноста кон минатото - од нивната идеја за Гоце Делчев, без да се зборува за Гоце Делчев во неговото историско време. Ова е пристап кој не е историски. Предлагаме прво да се оцени личност во неговото историско време и оттука да се разбере неговото значење за сегашноста“.рече Димитров.

Според стручњакот, најголем проблем во моментов претставува тоа што македонската страна, како што нагласува тој,  не сака да го прифати поимот „заедничка историја“.

„Имаме две главни задачи - преглед на учебниците по историја за тоа како да се учи соодветната материја. Сè уште сме во средниот век, предмет што се изучува во основно училиште. Сè уште не сме стигнале до она што се учи во гимназискиот курс, но работиме повеќе од 3 и пол години. Сето тоа е поради неподготвеноста на нашите колеги да го прифатат тоа дека имаме заедничка историја, а таа започнува во средниот век. Одтаму ова блокирање на нормалниот ритам на работа на комисијата и малкуте постигнати резултати“, рече професорот.