Ангелов: Делегација од САД ќе го реформира противпожарниот систем
Објавено во: Македонија 11 Август, 2021
Стојанче Ангелов, директорот на Центарот за управување со кризи, во вестите на Канал 5 рече дека тројцата старешини од Франција веќе се пристигнати за да ги детектираат слабостите со пожарите во Македонија, но и дека делегација од САД ќе фо реформира противпожарниот систем.
- Во најава е, во сериозни превовори сме да дојде висока делегација од САД. Значи покрај оперативната помош со гаснење на пожарите, нам ни треба и комплетна реформа на целиот систем. Ние со оваа тешка работа се зафативме оддамна. Јас ги интензивирав овие работи со моето уменување за в.д. директор, но сега во движење ќе се обидеме да направиме реформи онолку колку што може и научените лекции од овие денови да ги примениме на дела.
Овие луѓе кои што доаѓаат од надвор, кои што се од висок профил, ќе им ги кажеме нашите досега детектирани слабости, а верувам дека и тие самите ќе детектираат одредени слабости, за истите во движење, додека траат пожарите, ги отстраниме, наведе првиот човек на ЦУК во вестите.
Ангелов не очекува во овој период целосно да бидат изгаснети пожарите, бидејќи виоските температури, ветерот и сувата вегетација тоа не го дозволуваат.