Анѓушев: Без филтри нема рестартирање
Објавено во: Економија 07 Мај, 2018
Вицепремиерот за економски прашања, Кочо Анѓушев го прифати барањето на Синдикатот на работниците и директорот на „Југохром“ за средба,но изјави дека комбинатот нема да се рестартира се додека не види поставени филтри против загадувањето.
Анѓушев беше дециден дека и покрај инсистирањето на работниците, комбинатот не може да продолжи со работа без поставување на филтри. Анѓушев за време на неговата посета на Тетово додаде дека единствената помош што Југохром може да ја добие е да се најде решение меѓу банките и компанијата за да се обезбедат пари за брзо поставување на филтри.
Од друга страна, претседателот на Синдикатот на работниците на Југохром, Бајрам Амити, инсистира на тоа дека Владата треба да даде дозвола за повторно отворање на Комбинатот, со цел да се обезбедат средства за брзо поставување на филтри и враќање на сите работници на своите работни места.
Поради тоа што работеше без филтри Југохром беше затворен пред две години и до сега, освен бетонската плоча каде што треба да се постават филтрите, сè уште нема поместување на работите.