Владата не се меша во ФЕНИ, туку очекува сериозен инвеститор

Добивај вести на Viber

Вицепремиерот за економски прашања, Кочо Анѓушев во „Отворено“ на ТВ 24 изјави дека како Влада не можат да се мешаат во судски и должничко доверителски односи за случајот со комбинатотот Фени од Кавадарци. Тој вели дека нивна задача е да создадат поволна бизнис клима. Рече дека Фени немал дадено завршна сметка за 2015 и 2016 година. 

„Стечајната постапка постои и со реструктуирање на компанијата мислам дека Фени е прв случај каде следниот ден по одење во стечај следниот ден сите се вработени и следниот ден сите земаа плата. Владата нема што да се меша, туку ја следи состојбата будно“- рече Анѓушев. 

Вели дека Кунико спротивно на македонските закони уделите ги заложил и во Македонија и во кинеска трафигура. 

„Енекод во ниту еден момент не е запишан како сопственик во Централниот регистар, туку само Рајчо Кацаров е назначен за управител. Не може да исплати плата, ниту да ги пренесе заложените удели бидејќи во Кина не го испратил фероникелот кој требало да го испорача во вредност од 30 милиони долари. Доверителите банки по законски исполнетите услови започнаа стечајна постапка со цел да се најде решение, а Владата само ја следи ситуацијата поради важноста на Фени за државата“- изјави Анѓушев. 

Нели Беширова од Енекод вели дека она што Анѓушев го зборува е точно, но тие сакале да бидат добри сопственици. 

„Имавме намера кога ќе дојдеме во Македонија да бидеме добри сопственици за вработените да бидат вработени и да го развиваме Фени. Ако има подостојна компанија од Енекод нека го преземе Фени, но само ако има идеја за подобар развој. И ние сме необезбеден кредитор за доставена електрична енергија и имаме побарувања од Фени“- рече Беширова.  

Беширова рече дека не го сакаат Фени по секоја цена.