Анкара: Во Европа се подига бран „туркофобија“
Објавено во: Балкан 19 Март, 2017
Во Европа се подига бран „туркофобија", додека Турција ги посочува грешките на Европа, изјави денеска портпаролот на турскиот претседател Реџеп Таип Ердоган, пренесе Ројтерс.
Според портпаролот постои можност за организирање на нов митинг во Германија пред турскиот референдум на 16 април. По повод изјавата на шефот на германското разузнавање дека обидот за државен удар во Турција послужил како повод за масовните чистки во земјата портпаролот рече дека тоа е доказ за поддршката на Германија за „терористичката организација", која стои зад превратот.
Тој додаде дека ако САД го екстрадираат Фетхулах Ѓулен, тоа ќе ги подобри билатералните односи.
Портпаролот на Ердоган соопшти дека Турција е земја која се однесува пријателски со странските инвеститори.