Анкетата на СДСМ вели дека половина од албанските гласачи во првиот круг ќе го дадат гласот за Пендаровски
Објавено во: Македонија 28 Март, 2019
Половина од етничките Албанци кои ќе излезат на гласање во првиот круг од претседателските избори на 21 април ќе го дадат својот глас за Стево Пендаровски, кандидатот на владеачкото мнозинство, а другата половина ќе заокружи за Блерим Река, поддржан од Беса и Алијансата за Албанците, велат резултатите од интерната анкета на СДСМ, чии заклучоци ги објави Дојче Веле.
Теренското истражување над 1.200 испитаници покажало дека Пендаровски ќе води со 8 до 10 разлика пред противкандидатката Гордана Силјановска Давкова и во вториот круг ќе влезе со предност од околу 90.000 гласови.
Истражувањето на јавното мислење било направено преку различни агенции. Гласовите на Албанците во првиот круг ќе се поделат помеѓу Пендаровски и Река, додека во вториот круг тие во најголем број би излегле да гласаат, а помал дел нема да учествуваат.
Околу 80% од гласачите на ДУИ се изјасниле со сигурност дека ќе гласаат за Пендаровски уште во првиот круг.