Антикорупциска комисија: ИВЗ добила обврзници од 9,1 милиони евра, а не платила денар данок
Објавено во: Македонија 12 Јуни, 2020
Нури Бајрами, членот на Комисијата за спречување на комисија, ќе поднесе пријава против директорката на Централниот регистар и за службените лица од оваа институција, затоа што дозволиле Исламската веркса организација да не подлежи, како што вели тој, на никакви обврски кон државата.
„Последните пет години ИВЗ не доставила основен извештај за годишна сметка и од Централен регистар тие што се надлежни и должни не постапиле за тоа под каква контрола на дејствија се однесува овој случај. Управата за јавни приходи врши надворешна контрола на здруженија на граѓани, организации и верски заедници. Од 2014 до 2018 УЈП правела надворешна контрола, но немаме информација дали е завршена. Министерството за финансии при враќање имот исплатило обврзнции од 9.100.000 евра како компензација за имотот што не може да се врати како земјиште и станбен и деловен простор на ИВЗ. Повикуваме да се направи антикорупциска проверка на регулативата над непрофитните организации, бидејќи има конфузија, а ние ќе покренеме иницијатива заради донесување на нов попрецизен закон Поради непревземени дејствија на Централниот регистар, же следува постапка за директорот и службените лица, а и од Владата ќе се бара да достави записник за извршената финансиска контрола“, рече Бајрами.
Антикорупциска комисија до вакви наоди со 116 докази за незаконитости и злоупотреби на финансиски средства од страна на раководни лица во ИВЗ, а според ДКСК овозможени секундарно од државата, дошле преку поднесена кривична пријава до Јавното обвинителство за организиран криминал и корупција.
„Оваа пријава не е посебна, туку е копија од кривичната пријава до ЈО за организиран криминал и корупција. Точно е дека тие средства не се средства од буџетот на државата, ние не се мешаме во автономнијата на заедницата, но државата тоа го овозможила со непостапување“, наведе Бајрами.