Апасиев вели дека доаѓаат „смртни правни пречки“ за договорот за името
Објавено во: Македонија 17 Јуни, 2018
Не се согласувам дека договорот е историски, вели за Студио 1 Димитар Апасиев од Левица и го споредува со патетична селска приредба.
Вели дека тие сцени се можеби убави за публиката, но допрва доаѓа тоа што го нарекува „смртни правни пречки“ или „несоборливи правни пречки“ за овој договор да не стапи на сила никогаш.
Според него, првата правна пречка е претседателот на Р. Македонија затоа што според Уставот, тој ги склучува договорите во името на Република Македонија, а не премиерот или министерот за надворешни работи. Договорот содржи три дела, од кои првите осум члена се тоа што излегува надвор од овластувањата на Владата во преговорите и се во ексклузивна надлежност на претседателот, вели Апасиев.