Апенините пропаднале неверојатни 40 цм по земјотресите во Италија
Објавено во: Свет 31 Октомври, 2016
Со околу 40 сантиметри е намалена висината на планините, лоцирани во центарот на Апенинскиот срт, објавија специјалисти од Институтот за геофизика и вулканологија во Италија. Причината се земјотресите во земјата во последните два месеци.
Научниците сметаат дека по природните катастрофи, кои го поразија централниот дел на Италија на 24 август и 26 октомври, Апенините се прошируваат кон брегот на Јадранското и Тиренско Море, на тој начин опкружени со Алпите, кои од своја страна се издигнуваат.
Вчера наутро централниот дел на Италија беше лулан од силен земјотрес со интензитет од 6,5 степени по Рихтер. Тоа е резултат на континуираната сеизмичка активност,која започна на 24 август, кога беше регистриран подземен трес со јачина 6,0 во реонот на градовите Аматриче, Акумоли и Аркуата.
За последните два месеци во Италија имаше три силни земјотреси. Првиот, на 24 август, зеде околу 300 жртви. На 26 октомври два подземни потреси со јачина од 5,4 и 5,9 предизвикаа материјална штета во голем број на градови, но немаше смртни случаи. Благодарение на тоа дека населените места таму беа целосно евакуирани, вчера исто така беа избегнати жртви.