АРСОВСКА ПОЧНА СО „ЛАЈВ“ ВИДЕА: „Висар Ганиу, не се криј, дечко“

Добивај вести на Viber

Градоначалничката на Скопје Данела Арсовска, беше во инспекција на нелегален објект на Бит пазар-пластичарска улица во Општина Чаир и сето тоа го емитуваше во живо на социјалните мрежи. Таа во живо се вклучи додека одеше во објектот, и побара од МВР да реагира.

Таа рече дека објектот се гради без никакви документи и дека е на државно земјиште.

„Во моментов во општина Чаир спротивно на закон си почнале нова дивоградба, за жал во овој момент не реагира МВР, го повикуваме министерот Тошковски кој би требало да реагира, и го повикуваме Стојанче Ангелов овие необезбедениве дупки, каде може сакој случаен минувач да се повреди, да излезат на лице место и да ни кажат дали има сејфти фрст. Направен сериозен ископ, започната градба. Општина Чаир и „принцезата на дивоградбите“ го нема никаде. Возила нерегистрирани кои работат на објектот, без никаква дозвола, нема платено комуналии, нема одобрение за градење, нема проект, нема ниту еден документ со кој се гарантира безбедност на градба, и да не се чудиме она кое се случува во Македонија. Дополнително објектот е во ГУП на Скопје, каде овие тука си одлучиле да си прават зграда без ниту еден документ“, рече Арсовска.

Притоа, Арсовска зборуваше и со оние кои се ангажирани за изградба на објектот, кои не добиле налог. Рече дека на објектот нема никакво план на градба ниту проект. Потоа побара налог од вработен на фирмата, и се расправаше со него.