Арсовска -Томовска: Цените на роамингот ќе се намалат за пет пати!

Добивај вести на Viber

Со документот што денеска беше потпишан во Будва, цените на роамингот меѓу Македонија, Црна Гора, Србија и Босна и Херцеговина нема целосно да се изедначат со оние во домашен сообраќај, но ќе се намалат и до пет пати, појаснува заменик-министерот за информатичко општество и администрација Марта Арсовска - Томовска. „Цената во роаминг за разговор преку мобилен телефон, за СМС пораките и за интернет сообраќајот ќе биде намалена. Со тоа што тоа не значи дека ќе зборуваме, како да се зборува дома, туку ќе биде намалено во смисла на тоа дека цените ќе се намалат за пет пати. Ако зборуваме за тоа кои цени сега важат на ниво на ЕУ, некаде би било 10 - 11 денари за минута разговор,  тоа се актуелните цени кои сега таму важат“, појаснува таа. До ова ниво треба да стигнат и цените меѓу земјите-потписнички, но намалувањето ќе се случува постепено. Регулаторните тела од овие земји ќе ја испланираат динамиката со која ќе се случува поевтинувањето, а ќе се менува и законската регулатива за да се овозможи спроведување на измените. Првото реално намалување на цените може да се очекува следната година. Надлежните велат дека кај домашните мобилни оператори нема негативни реакции и тие се вклучени во целиот процес. Единствено отпор имало кај црногорските оператори, кои голем дел од приходот во летните месеци остваруваат преку роаминг услуг за туристите. „Но, долгорочно, бидејќи туристите сега не го користат роамингот кога одат во странство, се претставува дека кога ќе има пониски цени граѓаните повеке ќе зборуваат и тоа ќе ја опрвада таа работа. Тоа нема да им ги намали приходите на операторите, дури може и да се зголемат“, вели Арсовска-Томовска.