АВСТРИЈЦИТЕ СЕ ПЛАШАТ ОД „ЗАТЕМНУВАЊЕ“: Над половина од граѓаните не би им помогнале на соседите

Добивај вести на Viber

Австријците стравуваат од „затемнување“, што го сметаат за речиси сигурно во следните 12 месеци, покажа истражувањето на јавното мислење на институтот „Ипсос“.

Една четвртина од граѓаните очекуваат дека годинава ќе има „затемнување“, односно подолг и поширок прекин на снабдувањето со електрична енергија, пренесува „Новости.рс“.

Така, 35 отсто од граѓаните очекуваат дека тоа ќе се случи во следните 12 месеци, а 49 отсто сметаат дека е сигурно дека ќе се случи во следните три години. 30 отсто од Австријците имаат голем страв од „затемнување“. Исто така, 63 отсто од Австријците сметаат дека сценариото за „затемнување“ е реално.

Притоа дури 54 проценти изјавиле дека веќе презеле мерки на претпазливост во нивните домаќинства. Сепак, ниту половина од граѓаните не би биле подготвени да им помогнат на соседите во случај на замрачување.

Исто така, 68 проценти велат дека има многу лажни вести за опасност од прекин на струја.

Инаку, 24 отсто од Австријците очекуваат зголемување на криминалот поради „затемнувањето“, 18 отсто стравуваат дека греењето ќе престане, 13 отсто се загрижени за недостиг од храна, а 12 отсто се загрижени дека ќе бидат прекинати сите можности за комуникација.