Балканско буре барут: Ќе се прекрши ли тука бегалската криза?

Добивај вести на Viber

Многумина преедупредуваа, но кога неофицијалниот европски шеф Ангела Меркел ќе рече дека на балканот се можни тензии тогаш тоа треба да се сфати со доза на сериозна загриженост. Меркел деновиве пред своите сопартијци исткана дека не би сакала во овој регион повторно да има судири. но дека мириса не тензии. Ова може да се случи доколку најголемата европска сила ги затвори границите за бегалците. Со дневниот прилив од 3 000 до 8000 бегалци тоа би бил стравичен удар за балканските земји, а секако и за фрагилната Македонија, која пак се соочува со силни внатрешни проблеми. - На Западен Балкан веќе има тензии и јас не сакам таму повторно да избијат воени судири. Од кавгата се создава конфликт од што може да се развие нешто што никој не го сака. Иако приливот на бегалците преку балканските земји досега беше голем, но ситуацијата не ескалираше, рече Меркел. Иако се различни толкувањата на изјавата на Меркел, јасно е дека европските земји не најдоа најсоодветен одговор на кризата, и затоа проблемот би можел да се прекрши овде. Сепак, Дојче веле анализра дека пораката не е упатена на луѓето на Балканот, туку на германската јавност, пред се на партиската база на демохристијаните. Затоа што Меркел преку ред ги пушти сириските бегалци преку германско-австриската граница, одбивајќи земјата да ја препаша со бодликава жица како унгарскиот премиер Виктор Орбан. Според германскиот сервис траумите од војната во екс Југославија се големи, но не постои идеолошка, економска и воена логистика за таа да се обнови. Според ДВ „мама" (Меркел) е исплашена, па затоа ги плаши нејзините деца, оние во Германија. Меркел не се обраќа на балканските земји, и затоа нема причина за страв. Дали е така?