(ВИДЕО) Пратениците во албанското Собрание се тепаа и фрлаа чадни бомби
Објавено во: Балкан 18 Декември, 2025 17:05
Нереди имаше денеска во албанскиот парламент во Тирана. Пратениците се тепаа, фрлаа чадни бомби и се судирија со членовите на Гардата на Република Албанија, врз кои фрлаа шишиња.
Инцидентот се случи откако членовите на Демократската партија (ДП) ги блокираа говорниците и министерските места, со што ја спречија нормалната работа на парламентот.
Членовите на опозицијата се судрија со Гардата, додека во салата беа фрлани чадни бомби. За време на инцидентот, пратениците на ДП побараа парламентарното мнозинство да ја „предаде“ на законот вицепремиерката и министерка за инфраструктура и енергетика Белинда Балук. Пратеници од опозицијата, исто така, запалија и постер на премиерот Еди Рама. Специјалниот првостепен суд за корупција и организиран криминал на 19 ноември одлучи да ја суспендира Балука од функцијата, а Уставниот суд привремено ја суспендираше одлуката, до понатамошно разгледување на случајот.
На седницата беше планирано да се дискутираат неколку законски предлози, вклучувајќи ги и мерките на Владата на Албанија во борбата против организираниот криминал.
И лани имаше инциденти во албанското Собрание.
фото принтскрин
Можеби ќе ве интересира
Што вели Рама за идејата на новите членки на ЕУ да им се ограничи правото на вето?
„МИНИСТЕРОТ НЕ ЗЕМА НИТУ ДИНАР“ Вучиќ: Обвинението против Селаковиќ е срамно и безобразно
„Њујорк тајмс“: Фирмата на зетот на Трамп - Кушнер се повлекува од договорот за изградба на хотел во Србија
Граничниот премин Богородица затворен за сообраќај
Потврден случај на лепра во Хрватска: Почната е задолжителна постапка за вакцинација
Во времето на Тито, за некој овие пари беа една плата: Никој не успеал да ја фалсификува „сивата гулабица“, а еве која е мистериозната жена од банкнотата
