БДЕЕЊЕ ПРЕД ФРАНЦУСКАТА АМБАСАДА ВО СОФИЈА: Бугарите со порака за Макрон кој стави вето за Македонија
Објавено во: Македонија, Балкан 20 Октомври, 2019
Во Софија се организира бдеење пред француската амбасада по одлуката на Париз да го стопира процесот на почнување на преговори на Северна Македонија со Европската унија, пренесе Офњуз.
Повикот е објавен на социјалните мрежи.
Бдеењето е закажано за утре, 21 октомври од 18:30 часот по локално време (17:30 по македонско). Настанот на Фејсбук го регистрирал скулпторот Андреј Врабчев, но според неговите зборови, организатори се интелектуалци, кои излегоа со изјава за рамковната позиција на Бугарија, која беше донесена од Владата неколку дена пред почнување на Самитот во Брисел.
„Како граѓани кои се восхитуваат на културата и она што Франција го даде на светот, ние веруваме дека вашата земја отсекогаш била моторот и водачот на Европа. Очекуваме да не се откажете од оваа улога, откако повторно ќе ја преразгледате вашата позиција за Република Северна Македонија и ќе најдете начин да дадете поттик на ЕУ и стабилноста. Не е познато зошто е подигната триумфална капија во центарот на Скопје … Можеби ве чека? На Европа и требаат водачи – бидете новиот Де Гол. Освоети ги срцата на граѓаните на Северна Македонија и ќе уживате во вистинска победа – победа за сите европски граѓани“, се вели во повикот.Прашуваат, кој ако не лидерите во Македонија покажаа храброст да одат напред.