Бектеши се радува на кафе во Приштина без тест, Заев вчера рече да се патува само ако е неопходно
Објавено во: Македонија 06 Октомври, 2020
Од 12 октомври на кафе во Приштина ез ПЦР тест, напиша пред малку министерот за економија Крешник Бектеши на фејсбук.
Неколку минути претходно премиерот Зоран Заев објави исто така на социјалните мрежи дека Владата ја усвоила одлуката и дека од 12 октомври ќе може да се патува во Србија, Црна Гора, Косово, Албанија, Босна и Херцеговина без негативен тест. Граѓаните на овие земји исто така ќе може да влегуваат на макеоднска територија без потреба да приложат доказ од негативен тест.
Сепак самиот вчера одговарајќи на новинарско прашање, рече дека Владата ќе ја усвои одлуката за патување без тестови ама препорача да се оди само ако е непоходно.
„Станува збор за регионална иницијатива, бидејќи горе-доле бројките се исти. Без ПЦР-тест ќе се поминува границата ама ако е најнеопходно, бидејќи и од дома излегуваме само ако е неопходно“, рече вчера Заев.
Дали одењето на кафе е суштинска потреба, треба да процените сами.