Бектеши: Субвенции за ново возило нема да добиваат богатите
Објавено во: Економија 31 Јули, 2019
Министерот за економија, Крешник Бектеши, рече дека кога ќе се усвојат подзаконските акти на новодонесениот закон за моторни возила нема да им се даваат субвенции на поимотните граѓани за да купат нов автомобил.
Со законот кој се усвои вчера на собраниска седница се предвидува Програма за субвенционирање на купување нови возила со финансиска државна помош до 3.000 евра, но под услов да се одјави старото кое загадува.
- Субвенции секако нема да добие некој кој има 20, 30 или 40 илјади евра за да купи нов автомобил. Услов ќе биде месечниот доход кој го добива или некој друг критериум - рече денеска Бектеши на прес-конференција.
Додаде дека субвенциите ќе започнат да се доделуваат во текот на оваа година доколку тоа го дозволи ребалансот на буџетот, или од почетокот на следната 2020-та.
Со Законот за возила предвидени се и субвенции за вградување на плиснки уреди,
воведување на жолти регистарски таблички за таксистите и унифицирана светлечка табла за такси возилата.