БЕСА: Министерството за внатрешни работи им дозволи на хулиганите на ВМРО-ДПМНЕ да нападнат
Објавено во: Македонија 28 Април, 2017
Движењето БЕСА го осуди синоќешното насилство во Собранието и упати повик до граѓаните да не подлегнуваат на провокации.
- По денешниот напад над Собранието на Република Македонија, кога пратениците од парламентарното мнозинство ја реализираа својата законска должност за избор на претседател на Собранието, Движењето БЕСА ги осудува најостро овие инциденти и констатира дека со тоа што Министерството за внатрешни работи им дозволи на хулиганите на ВМРО-ДПМНЕ да ја нападнат највисоката законодавна институција е знак дека Македонија веќе не доликува на демократска држава и тука никој веќе не е сигурен за својот живот. Притоа ги повикуваме државните органи кои се надлежни за обезбедување на јавниот ред и мир да застанат во одбрана на државните институции и на безбедноста на граѓаните, се вели во соопштението од БЕСА.
Движењето БЕСА, се додава во соопштението, го осудува насилството и ги повикува сите граѓани на земјава, особено Албанците, да бидат внимателни, да не излегуваат во јавни плоштади и во фреквентни улици во Скопје и да не бидат жртви на разните провокации, кои се прават со сега познато сценарио. Убедени дека насилството не е начин за решавање на несогласувањата, ги повикуваме сите страни да бидат разумни, бидејќи една мала грешка денес може да не чини скапо утре, соопшти БЕСА.
Можеби ќе ве интересира
ФАКТОР НА ДЕНОТ: Ковачевски демантира дека се спрема бојкот за претседателските избори
ПЕТРОВСКА ВЕЛИ ДЕКА ВМРО-ДПМНЕ ГО ЗАМЕНИЛА ИМЕТО МАКЕДОНИЈА ВО СТАТУТОТ СО „ДРЖАВАТА“: Стојаноска сe закани дека ќе ги фрли листовите
КАСАМИ: Ќе има европска влада во која коалицијата „Влен“ веќе е најавено дека ќе биде дел
БУГАРСКИ ДНЕВНИК: Странска интервенција од неочекуван правец ги смени македонските избори
ЛЕВИЦА: Ќе изградиме споменик за бранителите од Вејце
ДЕМИРИ: Ако Клиниката за токсикологија не била осигурaна, менаџментот треба да преземе одговорност
Ковачевски: По изборите ќе има партиски избори во СДСМ
„НЕ НИ ЛИЧИ НА НАМ ОД СДСМ ДА ЗАСТАНЕМЕ И ДА НЕ СЕ БОРИМЕ“: Спасовски преку фејсбук мобилизира, „Не смееме да се откажеме од иднината“
