Билјана Ивановска: Новиот директор на МЕПСО не може сега да стапи на функција
Објавено во: Економија 09 Декември, 2020
Билјана Ивановска, претседателката на Државната комисија за спречување на корупцијата, во денешното обраќање на одбележувањето на Денот на борбата против корупцијата рече дека новиот новиот директор на МЕПСО, Куштрим Рамадани, не може во моментов да ја извршува оваа функција.
- Како на поранешен член на Регулаторната комисија за енергетика не е поминат законски предвидениот рок од две години пред да ја превземе новата функција, рече првиот човек на Антикорупциска како учесник на трибината.
На истата конференција учество зедоа и вицепремиерот за борба против корупцијата Љупчо Николовски и министерот за правда Бојан Маричиќ.
Рамадани беше заменик претседател на РКЕ, а како предлог на ДУИ минатиот месец беше назначен за претседател на Управниот одбор на Електропреносниот систем на местото на Ева Шуклева.
Ивановска рече дека ДКСК обработила и голем број на пријави за недозволиви вработувања во областа на непотизмот од страна на директорите на јавните претпријатие, но дека до сега ниту едно не било прифатено од Управните и Надзорните одбори.