Билјана Ивановска: Потребен е софтвер за следење на добитници на тендери кои се донатори на партии
Објавено во: Македонија 31 Јануари, 2020
Билјана Ивановска, претседателката на Државната комисија за спречување на корупцијата, коментирајќи го најновиот узвештај на индексот за корупција на Транспаренси интернешнл, се согласи со истиот дека е целосно точен и објективен и побара да се инсталира систем во Македонија кој ќе пронаоѓа поврзаност на добитниците на тендерите со донациите за политичките партии.
Таа упати повик до одговорните што е можно побргу да се реши овој проблем, бидејќи една година не е можно да се набави софтвер како решение за овој сегмент од корупцијата.
- Во Македонија се уште не може да се имплементира софтвер кој ќе може да пронаоѓа врска помеѓу оние кои добиле тендери од државата и истовремено се донатори на политичките партии пред изборите, вели првиот човек на ДКСК.
Антикорупциска, според тоа, мора по потешкиот пат да ги утврдува слабостите кога станува збор за влијанието на бизнисот во политиката преку јавните набавки.
Ивановска забележа дека во предизборниот период има и хиперпродукција на огласи за вработување во јавниот сектор.
- Во јануари има се помасовни огласи за вработувања, што остава простор да се врши влијание за гласачкото тело, особено што завршницата е по изборите, односно во меѓувреме има исчекување, изјави Ивановска пред медиумите.