Биткоинот ја надмина вредноста од 18.000 американски долари

Добивај вести на Viber

Биткоинот постави нов рекорд, откако порасна за повеќе од 23%, надминувајќи ја границата од 18.000 американски долари, покажуваат податоците од берзите.

Подоцна во текот на денот вредноста на криптовалутата падна на околу 16.000 долари. На почетокот од седмицата со биткоинот се тргуваше за 11.200 долари. Во четвртокот курсот на биткоинот во серија ги надмина лимитите од 14, 15 и 16.000 долари, покажуваат податоците на берзата за трговија со криптовалути Coinmarketcap.

Од почетокот на минатата седмица биткоинот го започна растот, неколку пати надминувајќи ги своите рекорди. Според аналитичарите, ваквиот тренд на брз раст е поврзан со скорешното почнување на тргувањето со фјучерси на биткоинот на низа американски и јапонски трговски платформи.

Биткоинот кон крајот на годината дури може да достигне вредност од 30.000 американски долари.

Некои земји веќе ги отворија своите пазари за крипто-валутите, но некои се сѐ уште многу внимателни по ова прашање. Некои централни банки сметаат дека е избрзана дозволата за тргување со виртуелните валути и во нив гледаат можност за ткн финансиски пирамиди и се против нивното изедначување си странските валути.