Битолчанец нарачал кисела вода во кафуле, се напил и завршил во болница
Објавено во: Македонија 24 Март, 2023
Маж си нарачал кисела вода во кафуле и откако ја пробал завршил во болница.
Пред два дена во кафе-бар во Битола, 45-годишен маж прво си нарачал кисела вода, ама откако ја вкусил завршил на Клиника за токсикологија.
Дека битолчанец завршил на скопската Клиника за токсикологија во лоша здравствена состојба, потврдил директорот на истата за Фокус. Пациентот раскажал дека се напил само една голтка од киселата вода која ја нарачал, ама веднаш почувствувал дека не е вода.
„Вели „се напив една голтка и осетив дека не е вода“. Интоксикација со корозивно средство има пациeнтот. Не знаеме како е дојдено до тоа, но таква изјава дава, дека бил во кафуле и кога ја отворил водата, од првата голтка почувствувал дека тоа не е вода“, изјавил доктор Бајрами за Фокус.
Тој додава дека полицијата и обвинителството веќе се известени, а состојбата на пациентот се следи.