БИЗНИС: Нудат здрав оброк во тегла за вработените и добро им оди
Објавено во: Економија 13 Март, 2017
Владимир Елесин од Нови Сад, Србија поради тоа што живееме брз начин на живот, често сме под стрес и немаме време за правилна исхрана, почнал бизнис со здрава салата која на вработените ја нуди во тегла.
Почнале со работа во јуни 2014 година, а идејата за бизнисот се родила две години порано.
Елесин со сопругата и уште една работничка почнале со работа, но уште првиот ден се покажало дека им требаат уште луѓе за да работата не трпи.
Без никакво гастрономско искуство, но со многу ентузијазам почнале со работата.
За почеток им требале од 10.000 до 15.000 евра и како што растел бизнисот, така и вложувањата се зголемувале.
„Подоцна почнавме да броиме затоа што вложувањата растеа. Луѓето мислат дека е обратно, но не е. Вашиот бизнис е ваше дете“ - вели Елесин.
Додава дека бизнисот не се развива сам од себе, туку се потребни вложувања и знаење.
За да успеат им било потребно да бидат иновативни и да работат на маркетингот.
Овој бизнисмен објаснува дека пречка им била бирократијата, доставувачите, но кога ќе се појави проблем советуваат да се реши и да не се откажуваат луѓето.
За својот бизнис со салата во тегла, вели дека имаат на некој начин монопол и планираат да се шират во регионот и да бидат што поквалитетни. За бизнис фелата додава дека имаат многу проблеми, но никој нема слух за нив во Србија.