Бизнисмен добил 250.000 евра од ЕУ, парите ги трошел за друго
Објавено во: Економија 18 Јули, 2019
Бизнисмен добил 250.000 евра преку Агенцијата за финансиска поддршка на земјоделството и руралниот развој за плаќање на 50% од вредноста на опрема, но тој парите од ИПАРД програмата на Европската Унија ги префрлал од 2015 до 2017 на фирми блиски до него за друга намена, соопшти скопското обвинителство.
Обвинетиот 32-годишен штипјанец кривичното дело бил управител на правното лице „Балкан еко фруит“ ДОО Свети Николе каде содружник е и правното лице „Агропионер“ ДОО Скопје управувано од државјанин на Саудиска Арабија.
„Наместо, согласно договорот паричните средства од ИПАРД програмата да ги трансферира на сметката на правното лице ‘Балкан еко фруит’ ДОО Свети Николе во Стопанска Банка АД Скопје согласно договорот за долгорочно финансирање заради наплата на дел од кредитот, обвинетиот без согласност на правното лице – содружник, ги трансферирал средствата на сметка на правното лице ‘Балкан еко фруит’ ДОО Свети Николе во Комерцијална Банка АД Скопје од каде средствата се уплатувани на правни лица блиски до него по различни основи во вкупен износ од 6.406.206 денари. Остатокот од паричните средства во износ од 8.583.390 денари тој ги исплатил на други правни лица за тековни фактури по разни основи“, соопштија од Обвинителството.
Управителот со парите уплаќал други трансакции, а обвинет е за злоупотреба на средства на европската заедница.