БОГОВ ИМА ТРИ СТАНА, ДВА ВО СКОПЈЕ ЕДЕН ВО ВАРШАВА: А што вози гувернерот кој не се знае дали ќе биде реизбран?
Објавено во: Економија 05 Мај, 2018
Што има во анкетниот лист на досегашниот прв човек на НБМ кој не се знае дали ќе остане на чело на Централната банка ?
Три стана стекнати преку договор за купопродажба, од кои два се во Скопје, а еден во Варшава поседува Димитар Богов.
Според пријавениот имот Богов во Скопје од заеднички имот поседува стан од 170 м2 кој се проценува на 10,2 милиони денари, стан - имот на брачен другар од 43 м2 во Варшава, Полска и уште еден пријавен на негово лично име од 88 м2 во Скопје кој е проценет на 6 милиони денари.
Богов пријавил три моторни возила. Мопед Пјаџо 2012/2013 и Даеву Тико 1995/1995 се пријавени на негов личен имот додека Киа Сид 2008/2008 му е пријавено како заеднички имот.
Од имотниот лист на Богов се гледа дека лично тој има акции во вредност од 17.000,00 денари и кредит од 5,5 милиони денари.
На денарската штедна книшка Богов пријавил 1.400.000,00 денари.