Борисов: Да не губиме време, побрзо да го градиме Коридорот 8
Објавено во: Македонија 01 Август, 2019
За Коридорот 8 Македонија обезбедила средства во висина од 580 милиони евра, од кои 65 милиони евра се од Инвестицискиот фонд за Западен Балкан, 60 милиони од ИПА 2 програмата, како и од кредити од Европската банка за обнова и развој и Европската инвестициски банка. Ова денеска го кажа премиерот Заев на прес конференцијата со бугарскиот колега Борисов на која стана збор и за реализацијата на проектите во рамки на инфраструктурниот Коридор 8
Во разговорот посебен акцент е ставен на железничкото поврзување меѓу двете земји, кое го опфаќа и изградбата на тунелот кај Ѓуешево, од кој половина ќе биде на бугарска, а половина на македонска страна од границата.
Борисов кажа дека тунелот од бугарска страна е речиси готов, додавајќи дека мора да се забрза изградбата на Коридорот 8. – Можеме уште да го забрзаме процесот и ве повикувам сите да се вклучиме и да не губиме време, порача Борисов.
Премиерот Заев, нагласи дека тунелот, што е дел од третата фаза од изградбата на железничката пруга и кој чини повеќе од 80 милиони евра, треба да биде изграден во еден дух и квалитетно.