Број на фирми во 2017: Помалку се регистрираат нови, повеќе згаснуваат

Добивај вести на Viber

Минатата година се отвориле вкупно 7.896 нови фирми што е 4,8% помалку отколку годината претходно. Бројката е многу помала во однос на 2010 година кога се уште не се чувствуваа значително негативните последици од економската криза и регистрирани биле 11.685 нови компании, објави „Капитал“.

Најмногу нови бизнис почнале во секторот трговија на големо и мало и тоа дури 2.152, потоа во секторот други услужни дејности се отвориле 1.107 нови компании, а 807 во стручни, научни и технички дејности. Во преработувачката индустрија има 802 нови фирми, 787 субјекти за сместување и сервисни услуги со храна, 583 во градежништвото, 408 во транспорт и складирање, 263 информации и комуникации, 252 административно-услужни помошни дејности и 242 од уметноста, забавата и рекреацијата.

Поразителен е и фактот што во 2017 година, дури 4.029 фирми згаснале што е за 14,8% повеќе споредено со годината претходно. Во трговија на големо и мало згаснати се 1.403, преработувачка индустрија има 451 избришан субјект, а потоа следуваат 398 објекти за сместување и и сервисни услуги со храна, 332 други услужни дејности, 292 што вршеле транспорт и складирање, 252 за стручни, научни и технички дејности, 239 од градежништво, 212 земјоделство, шумарство и рибарство, 148 административно-помошни услужни дејности и 96 за информации и комуникации.