Буџетот оштетен за 50 милиони евра, што откри финансиската полиција?

Добивај вести на Viber

Управата за финансиска полиција во поглед на реализираните мерки и активности во текот 2018 година до надлежните Јавни обвинителства поднесе 74 кривични пријави против 68 правни лица и 163 физички лица со кои е нанесена штета на Буџетот на Република Македонија во вкупен износ од 3.018.354.504 денари или 48.919.846 евра, објави директорот Арафат Муареми на својот Фејсбук профил. 

За Злоупотреба на службена положба и овластување поднесени се 23 кривични пријави против 3 правни лица и 73 физички лица со кои е нанесена штета на Буџетот на Република Македонија во износ од 2.762.907.968 денари. 

„За Даночно затајување поднесени се 43 кривични пријави против 62 правни лица и 79 физички лица со кои е нанесена штета на Буџетот на Република Македонија во износ од 221.731.159 денари. За други кривични дела поднесени се 8 кривични пријави против 3 правни лица и 11 физички лица со кои е нанесена штета во износ од 33.715.377 денари“, наведува тој. 

Бројот на поднесени кривични пријави за 2018 година во однос на претходната година е зголемен за 51 процент, а во споредба со 2016 година бројот на поднесени кривични пријави е зголемен за 80 проценти, додава Муареми.