БУГАРСКАТА ДЕЛЕГАЦИЈА ЌЕ СЕ ПОКЛОНИ ВО 13 ЧАСОТ: Сакале заедно со македонската, но не добиле одговор
Објавено во: Македонија 04 Февруари, 2023
Чествувањето на
годишнината од смртта на македонскиот револуционерен деец, Гоце Делчев се
традиционално заеднички на македонската и бугарската делегација, пишува 24часа.бг Но, како што наведува медиумот, годинава бугарската делегација ќе се поклони
пред гробот во црквата Свети Спас во Скопје, дури во 13 часот. Претходно, како
што се наведува, бугарскиот министер за внатрешни работи Иван Демерџиев, кој ја
предводи делегацијата, на новинарите им изјави дека ги поканил македонските
власти да се поклонат заедно, но тие не одговориле.
Македонскиот премиер Димитар Ковачевски вчера изјави дека нема официјално најавено присуство на бугарска делегација. Од бугарското МНР соопштија дека трипати ја информирале РС Македонија за присуството на нивна делегација и очекуваат да се обезбеди непречен пристап на бугарските државјани до црквата „Свети Спас“.
Истовремено, како што информира 24часа.бг, просторот околу црквата е под силно обезбедување и бугарските новинари не можеле да стигнат до црквата, иако се акредитирани.